“Sytë i ka me lot” – Psikologia komenton çiftin Egli-Gjesti: Lidhje toksike…

Yjet

Gazeta Express

18/03/2025 19:36

“Nuk heqin dorë nga marrëdhëniet toksike sepse kanë ndjesinë e frikës së humbjes, kanë frikë të rrinë vetëm”

Psikologia e njohur, Bona Miekley, ishte dje e ftuar në emisionin “Live From Tirana” me Ronaldo Sharkën. Ajo komentoi rikthimin e Egli Takos brenda shtëpisë më të famshme në Shqipëri, “Big Brother VIP 4”, dhe shumë të tjera.

Sa i përket lidhjes toksike, Bona u shpreh:

Toksiciteti është varësi. Në marrëdhëniet toksike është një varësi shumë e pashëndetshme, shumë dëmtuese. Një person i tillë duhet të kuptojë rëndësinë e asaj që po kalon. Njerëzit e quajnë normale. Nuk heqin dorë nga marrëdhëniet toksike sepse kanë ndjesinë e frikës së humbjes, kanë frikë të rrinë vetëm, i japin vetes një shpresë të kotë.

Egli duhet ta evitonte Gjestin. Unë Eglit do i thoja që është shumë vajzë e fortë, ka bërë shumë punë me veten. Do i thoja të vazhdojë të kërkojë ndihmë për t’u shëruar, për të patur një konsultë të gjatë me psikologët, të kuptojë sa e çmuar është. Të mos lejojë të tjerët të kontollojnë ndjenjat e saj. Ajo është e vërtetë, gjuha e saj e trupit tregon shumë, sytë i ka me lot.