T7 DIREKT NGA HAGA: Numri i dëshmitarëve të mbrojtjes do të reduktohet, mjaftojnë për të dëshmuar pafajësinë

Lajme

Gazeta Express

03/04/2025 21:12

Gazetari Arsim Lani është lidhur drejtpërdrejtë në Pressing në T7 nga Haga për të sjellë të rejat e fundit nga atje.

Ai tha se numri i dëshmitarëve të mbrojtjes do të reduktohet në mënyrë që të mos zgjatet procesi.

“Ajo dihet që numri do të reduktohet, nuk do të ketë nevojë të stërzgjatet edhe pjesa e mbrojtjes siç ka qenë edhe ajo e prokurorisë. Numri i dëshmitarëve do të reduktohet, edhe me këta dëshmitarë mjaftohet për t’u vërtetuar pafajësia e tyre”, deklaroi Lani.

Lani tregoi se për të hyrë brenda në objektin e Speciales, gazetarëve u është kërkuar pasaporta.

“Gazetarët është dashur që me pasaportë të hynë brenda institucionit të Republikës së Kosovës, pra nëse se ke pas pasaportën nuk të kanë leju me hy brenda në një konferencë për shtyp të cilën e kanë thirrë Gjykata Speciale”, tha Lani në Pressing, transmeton Express.

Për këtë konferencë, ai tha se përgjigjet ishin gjysmake e të thata, jo atë që e kanë kërkuar gazetarët.

“Prokuroria ka përfunduar punën e vetë sa i përkert thirrjes së dëshmitarëve, në fund të prillit është edhe një konferencë që do ta bëjë Prokuroria Speciale, më pas i takon mbrojtjes që të paraqesë agumentet dhe kundërargumentet e veta”, shtoi ai.