Tarifat e vendosura nga SHBA-ja janë “krizë kombëtare”, thotë kryeministri japonez

Lajme

Gazeta Express

04/04/2025 7:28

Tarifat e vendosura ndaj mallrave japoneze nga presidenti i SHBA-së Donald Trump janë një “krizë kombëtare”, ka thënë kryeministri Shigeru Ishiba.

Taksat prej 24% mbi importet japoneze “mund të quhen krizë kombëtare dhe qeveria po bën më të mirën me të gjitha palët”, tha Ishiba në Parlament.

Deklaratat e tij erdhën ndërsa tregjet japoneze të aksioneve u zhytën; siç raportuam më herët, Nikkei humbi 1.8% pas hapjes të premten, duke shtuar një rënie prej 2.77% një ditë më parë.

Të enjten, ministri japonez i tregtisë, Yoji Muto, tha se tarifat mbi eksportet japoneze ishin “jashtëzakonisht për të ardhur keq”, ndërsa kryesekretari i kabinetit Yoshimasa Hayashi u tha gazetarëve se tarifat mund të bien ndesh me rregullat e Organizatës Botërore të Tregtisë dhe traktatin tregtar të dyshes./Express/