Tentativa e pestë – nis vazhdimi i seancës konstituive

Lajme

Gazeta Express

23/04/2025 10:27

Po vazhdon seanca konstituive e Kuvendit, e cila ka nisur më 15 prill dhe ka vazhduar edhe për tre herë të tjera, pa shumë sukses.

Të hënën seanca u ndërpre pasi nënkryetari i LVV-së, Glauk Konufca tha se nuk kanë hequr dorë nga propozimi i Albulena Haxhiut për kryetare të Kuvendit, por ai nuk u hodh për votim, pasi kryesuesit të seancës, Avni Dehari iu kërkua “kohë shtesë që të mos përsëritet situata e njëjtë”.

Glauk Konjufca tha të hënën se “kjo situatë politike nuk mund të zgjidhet përveçse me një marrëveshje politike”.

Një takim konsultativ i partive politike u mbajt paraprakisht.

“Ne vazhdojmë ta mbajmë qëndrimin e njëjtë”, iu tha Albulena Haxhiu gazetarëve para takimit.

LVV-ja e propozoi Albulena Haxhiun për kryetare të Kuvendit të shtunën, por ajo në dy tentativa dështoi të merrte më shumë se 57 vota. Paraprakisht, seanca konstituive e Kuvendit që nisi më 15 prill u ndërpre dy herë për shkak të mosmarrëveshjeve ndërmjet partive lidhur me dorëheqjet e qeveritarëve para betimit si deputetë.

Të hënën, Konjufca kërkoi “kohë shtesë që të mos përsëritet situata e njëjtë”, dhe megjithëse tha se propozimi i tyre s’ka ndryshuar, ai nuk u hodh për votim.