“Turpëruese” së si është trajtuar Motta pas shkarkimit nga Juventusi

Futboll

Gazeta Express

01/04/2025 14:39

Dario Canovi, ish-agjenti i Thiago Motta-s, ka mohuar se ish-trajneri i Juventusit kishte probleme me lojtarët dhe e ka quajtur trajtimin që ai mori si “turpërues”.

Motta u shkarkua nga Juventus javën e kaluar pas vetëm nëntë muajsh në krye të klubit.

Gjatë periudhës së tij si trajner, Bianconerët u eliminuan nga Coppa Italia dhe Liga e Kampionëve dhe nuk arritën të jenë në katër pozitat e para të Serie A.

 Shumë burime në Itali shtuan se marrëdhënia e dobët e Motta-s me një pjesë të dhomës së zhveshjes ishte arsyeja kryesore për shkarkimin e tij, por Canovi, agjenti i tij kur Motta ishte futbollist, e mohoi këtë.

“Nuk do të komentoj shkarkimin, dua të flas për diçka tjetër,” tha Canovi për TMW.

“Trajtimi që Thiago mori, dhe nuk po flas për Juventusin, ishte turpërues. Nuk është aspak e vërtetë që ai nuk u mor vesh me lojtarët. Është e pranueshme të kritikosh trajnerin, por jo njeriun.”

Canovi gjithashtu është babai i përfaqësuesit të Motta-s aktual, Alessandro. Juventus e emëroi Igor Tudor si pasuesin e Motta-s, dhe trajneri kroat arriti një fitore 1-0 ndaj Genoas në debutin e tij këtë të shtunë.

Motta mbetet nën kontratë me Juventusin deri në vitin 2027, pasi nënshkroi një marrëveshje trevjeçare me klubin në qershor të vitit 2024. /GazetaExpress/