U nënshkruan bursat olimpike MilanoCortina2026

Sport

Gazeta Express

01/02/2024 19:51

Pesë bursistët e përzgjedhur për bursa olimpike për Lojërat Olimpike Dimërore Milano Cortina 2026, kanë nënshkruar sot kontratat me KOK-un për mbështetjen financiare.

Të pesë sportistët Arbi Pupovci, Kiana Kryeziu, Lirika Deva, Drin Kokaj dhe Klos Vokshi, vijnë nga sporti i skitarisë, disiplinat e skijimit alpin.

Sportistët do të mbështeten me nga 600 dollarë në muaj përmes fondit të Solidaritetit Olimpik të Komitetit Olimpik Ndërkombëtar.

Krahas KOK-ut dhe sportistit, kontratat u nënshkruan edhe nga përzgjedhësi, Agim Pupovci, dhe trajnerët, Visar Kryeziu e Milot Vokshi.