“Udhëtim në Pranverë” jepet premierë në Prishtinë – një komedi romantike ndryshe nga filmat shqiptar

TV/Film

Gazeta Express

04/04/2025 0:24

Filmi “Udhëtim në Pranverë” me regji të Fatmir Dogës është dhënë premier në Cineplexx në Prishtinë në një mbrëmje gala me aktoren Arta Muçaj që i është rikthyer pas një kohë të gjatë në film

Fatmir Doga, i rikthyer në atdhe për të krijuar, është regjisori dhe producenti që përcjell në kinematë shqiptare thirrjen më të fundit të tij artistike, një komedi romantike që të lënë në tension gjatë gjithë kohës.

“Udhëtim në pranverë”, një film që nga kritikët është konsideruar si një pasaportë diplomatike e Shqipërisë, por edhe Kosovës.

Filmi sjell një histori të fuqishme, të ndjeshme dhe vizualisht mahnitëse, e xhiruar nën drejtimin e regjisorit Fatmir Doga, me drejtor fotografie Kushtrim Ternavën.

Rolet kryesore në këtë film janë luajtur nga Gjergje Kaçinari dhe Nita Latifi, derisa një rol në film e ka edhe aktori I njohur amerikan Robert Miano.

Po ashtu në rolet tjera paraqiten edhe Xhejni Fana, Zhaklina Gjola, Marin Hoxha, Adriana Tolka, Katarina Fili, Labinot Lajçi, Arta Muçaj, Avni Dalipi, Vedat Haxhiislami, etj.

Filmi do të vazhdojë të jetë i shfaqur në Cineplexx për dy javë pas premierës që u dha të enjten në mbrëmje. /GazetaExpress/