Ujësjellësi “PRISHTINA” ndan 5000 euro për të prekurit nga termeti

Gazeta Express

29/11/2019 18:35

Kompania Rajonale e Ujësjellësit ” Prishtina” sh.a. ndanë 5000 euro për të prekurit nga termeti në Republikën e Shqipërisë dhe njëkohësisht ofron asistencë me ekipe mobile profesionale, për ujësjellësin e Durrësit.

Me kërkesë të kryeshefit ekzekutiv të Kompanisë Rajonale të Ujësjellësit ” Prishtina” sh.a. dhe me aprovim nga Drejtorët e Bordit të kompanisë u ndanë mjete financiare në shumën prej 5000 euro, ndihmë financiare për të prekurit nga termeti shkatërrues që ndodhi ditë më parë në Republikën e Shqipërisë.

Në të njejtën kohë, kryeshefi ekzekutiv Abdullahu ka ofruar asistencë teknike me ekipe mobile profesionale, në raste të intervenimeve në rrjet për ujësjellësin e Durrësit.

Bordi i drejtorëve , kryeshefi ekzekutiv dhe të punësuarit e kësaj kompanie shprehin ngushëllimet më të sinqerta për jetët e humbura dhe shërim sa më të shpejtë të gjithë atyre që përjetuan këtë fatkeqësi natyrore.