Unitedi, Liverpooli e Arsenali mund të humbasin miliarda shkaku i Donald Trumpit

Sport

Gazeta Express

07/04/2025 16:19

Raportohet se pronarët e Manchester Unitedit, Liverpoolit e Arsenalit mund të humbasin miliarda, pas njoftimit të fundit nga Presidenti i SHBA-së, Donald Trump.

Trump, të mërkurën e kaluar vendosi tarifa reciproke për të gjithë shtetet e botës, në një ditë që ai e quante si “Dita e Çlirimit”.

Shtëpia e Bardhë ka bërë me dije se presidenti Trump dëshiron të reduktojë diferencën mes mallrave që shteti amerikan i blen dhe ato që i shet për shtetet tjera.

Megjithatë, ky veprim i presidentit u kritikua me të madhe, jo vetëm për natyrën e këtyre tarifave, por dhe për mënyrën se si janë kalkuluar.

Dhe tregjet globale të aksioneve nuk kanë reaguar mirë ashtu, me indeksin e tregut të aksioneve të SHBA-së, Doë Jones, që ra në nivelin më të ulët të tetë muajve të dielën.

Po ashtu, “The Telegraph” raporton se FTSE 100 – indeksi kryesor i tregut të aksioneve të Britanisë – ra me 6.3 për qind.

United, Liverpool dhe Arsenal janë të gjitha të drejtuara plotësisht ose kryesisht nga biznesmenë ose biznese amerikane.

Grupi “Fenëay Sports”, me seli në Boston, zotëron Liverpoolin, ndërsa “Kroenke Sports & Entertainment” – me bazë në Denver, Kolorado, ka kontroll të plotë mbi Arsenal.

Dhe Manchester United, sigurisht, është në pronësi të shumicës nga familja e shpesh të kritikuar Glazer, e cila ka një kompani mbajtëse që operon nga Rochester, Neë York.

Sipas “Forbes”, Stan Kroenke ka një pasuri neto në kohë reale prej 18 miliardë dollarësh – duke e bërë atë personin më të pasur të 104-të në planet.

Ndërkohë, gjashtë anëtarët e familjes Glazer secili ka një pasuri neto prej 1.7 miliardë dollarësh. Asnjë nga pasuritë e tyre nuk i rendit ata në top 500 si individë, megjithatë, aksionet e tyre në United dhe Tampa Bay Buccaneers thuhet se kanë një vlerë afërsisht 2.88 miliardë dollarë dhe 4 miliardë dollarë përkatësisht.

Pasuria neto e kreut të Liverpool, John Ë. Henry, është 5.5 miliardë dollarë, duke e bërë atë personin më të pasur të 602-të në botë.

Bashkë me pasurinë neto prej 2 miliardë dollarësh të kryetarit të Reds, Tom Ëerner, çifti do të ishin në top 500.

Bloomberg ka raportuar se, sipas Indeksit të miliarderëve të tyre, 500 njerëzit më të pasur në botë kanë përjetuar ‘humjen më të madhe dyditore të regjistruar ndonjëherë’ pas njoftimit të tarifave të Trump.

Raportohet se miliarderët në listën e pasurisë kanë humbur një total të frikshëm prej 485 miliardë dollarësh që nga hapja e tregjeve të aksioneve të enjten.

Raporti shton se, larg nga sporti, themeluesi shumë i kontestuar i Meta, Mark Zuckerberg, ka humbur një shifër të frikshme prej 17.9 miliardë dollarësh që nga e enjtja – më shumë se kushdo tjetër në listën e tyre./GazetaExpress/