Usain Bolt pranon se ylli i tanishëm i Premier League mund ta mposhtë atë në një garë

Futboll

Gazeta Express

03/04/2025 19:19

Usain Bolt njihet gjerësisht si më i madhi atlet në histori të vrapimit në staza

Usain Bolt ka përmendur më parë një yll të Premier League që ai mendon se mund ta mposhtë në një garë.

Bolt, 38 vjeç, do të mbetet përherë në kujtesë si një nga atletët më të mëdhenj të të gjitha kohërave.

Gjatë një karriere vërtet të lavdërueshme, xhamajkani fitoi gjithsej tetë medalje ari në Lojërat Olimpike dhe mban ende rekordin botëror për garat e 100m dhe 200m.

Për më tepër, Bolt ka gjithashtu 11 medalje ari nga Kampionatet Botërore.

Në vitin 2023, Bolt zbuloi se një yll i Premier League mund ta mposhtë atë në një garë.

Në një intervistë për talkSPORT, ish-lojtari Darren Bent e pyeti: “Kam lexuar një artikull ku thoshe se [Marcus] Rashford mund të të mposhtte në një garë 20 jardësh, a është kjo e vërtetë?”

Bolt u përgjigj: “Po! Rashford është shumë i shpejtë nga fillimi, kjo është ajo që ai bën.

“Ai ka një shpërthim shpejtësie, por pas kësaj, i thashë atij, mund të më mposhtësh në 20 jardë. Por pas kësaj, është mbaruar!”.

Që nga shpërthimi i tij te skuadra e parë e Manchester United, Rashford është njohur për shpejtësinë dhe aftësitë e tij, duke shkëlqyer në krah.

Megjithatë, vitet e fundit, 27-vjeçari ka pasur vështirësi për të dhënë versionin më të mirë të tij në fushë.

Pasi në krye të United erdhi Ruben Amorim, Rashford e la Old Trafford për të kaluar te Aston Villa me huazim për pjesën tjetër të sezonit 24/25.

Që prej kur ka punuar me Unai Emery, anglezi ka treguar disa shenja të vetes së tij të vjetër.

Sipas UEFA, Rashford arriti një shpejtësi maksimale prej 34.32 km/h në Ligën e Kampionëve. Ndërsa sipas Britannica, në vitin 2011 shkencëtarët arritën të maten Bolt duke vrapuar me një shpejtësi maksimale prej 43.99 km/h gjatë një gare 100m.

Deri më tani, Rashford ka shënuar tre gola dhe ka asistuar katër të tjerë në 11 ndeshje në të gjitha kompeticionet.

Kur u pyet për paraqitjet e fundit të Rashford, trajneri i Villa, Emery tha: “Mesazhi për të është të vazhdojë. Të luajë më shumë minuta do të thotë se po bëhet më i fortë fizikisht, po shënon më shumë gola. E kemi luajtur si sulmues dhe po përpiqemi të konkurrojmë me Watkins. Ndoshta në të ardhmen mund t’i luajmë ata së bashku.”

Villa do të rikthehet në aksion në Premier League të shtunën kur do të përballet me Nottingham Forest në Villa Park. /GazetaExpress/