Vëllaznimi përmbys Sigal Prishtinën dhe barazon serinë në çerekfinale

Basketboll

Gazeta Express

12/04/2025 21:18

Vëllaznimi ka arritur një fitore spektakolare ndaj Sigal Prishtinës në kuadër të çerekfinales së kampionatit të basketbollit, duke triumfuar 90:73 në ndeshjen e dytë.

Kjo fitore erdhi pas një përmbysje të jashtëzakonshme, pasi Vëllaznimi ishte pas një epërsie prej 21 pikësh që kishte Sigal Prishtina në pjesën e parë të ndeshjes.

Në një atmosferë elektrizuese në “Shani Nushi”, ekipi nga Gjakova tregoi forcën dhe vullnetin për të kthyer ndeshjen në favor të vet, duke e përfunduar takimin me një epërsi komode prej 17 pikësh.

Kjo fitore e mundësoi Vëllaznimin të barazonte serinë në 1:1, duke e lënë gjithçka të hapur për ndeshjen e tretë, e cila do të luhet në Prishtinë për të përcaktuar gjysmëfinalistin.

Ndeshja e tretë në Prishtinë pritet të jetë një sfidë e nxehtë, ku të dy ekipet do të luftojnë për të siguruar një vend në gjysmëfinale, ndërsa gjithçka do të vendoset në terrenin e kryeqytetit.