Ministri i Drejtësisë Ulsi Manja, përmes një reagimi në rrjetet sociale, ka shprehur shqetësimin dhe tronditjen e tij për ngjarjen e rëndë të ndodhur në Sukth të Durrësit, ku nëna e katër fëmijëve vrau veten me fotoksinë për shkak të bullizmit në rrjetin sociale “Tik tok”.
Manja bën apel për një reagim të fortë të shoqërisë karshi bullizmit online. Ai paralajmëron ndryshime në legjislacion dhe kërkon të mos ketë asnjë tolerim në zbatimin e ligjit, për të mënjanuar viktima të tjera nga bullizmi.
“Ndihem i tronditur nga humbja e një jete nëne për shkak të sjelljeve të dobëta në rrjetet sociale”, shkruan Manja.
“Si shoqëri, duhet të reagojmë fort kundër krimit dhe bullizmit online, duke filluar nga fëmijët dhe familjet tona për të mos pritur viktimën e rradhës pas Bedrie Lokës, si shtet do të na duhet të rishikojmë ligjet tona dhe të mos tolerojmë zbatimin e tyre, për të ndëshkuar ashpër këtë formë të krimit online që po vret përditë pak e nga pak pa u ndëshkuar askush”, vijon Manja.
“Është koha për t’u bashkuar, për t’u përballur me sfidat dhe të kërkojmë drejtësi. Zero tolerancë për sjelljet e dëmshme në botën digjitale! Bashkë për një shoqëri të sigurtë dhe të drejtë!”, përfundon ministri
Edicioni
t7 live
