string(86) "veton-berisha-kemi-pasur-takime-edhe-me-partite-opozitare-nuk-kemi-asnje-lloj-barriere"

Veton Berisha: Kemi pasur takime edhe me partitë opozitare, nuk kemi asnjë lloj barriere

Lajme

Gazeta Express

03/04/2025 11:13

Deputeti i zgjedhur, Veton Berisha, kryetar i Partisë Liberale Egjiptiane tha se s’ka vija të kuqe as për Lëvizjen Vetëvendosje, por as për partitë opozitare në diskutimet për formimin e qeverisë së re.

Ai sot u takua me kryeministrin në detyrë dhe kryetarin e LVV-së, Albin Kurtin, të cilit tha se ia paraqiti disa kërkesa në diskutimin mbi mundësinë e përfshierjes së PLE-së në qeverinë e ardhshme.

Lexo Edhe:

Berisha tha se ka pasur takime edhe me partitë opozitare, për të diskutuar për të njëjtën çështje.

“Po, kemi pasë takime [me partitë opozitare]. Gjithqysh. Jemi të hapur dhe kemi takime me secilin dhe nuk kemi asnjë lloj barriere”, tha ai në një prononcim para gazetarëve.

Kërkesat e tij, tha se kanë të bëjnë me “zhvillimin e komunitetit egjiptian”, gjë që e quajti “nevojë të domosdoshme’.

“Normalisht që ne i patëm kërkesat tona dhe kërkuam që nëse hymë në Qeveri me pasë mundësi që të ndikojmë në politikat qeveritare për ndryshim”, tha ai.

Berisha tha se “ka mbetë që ditëve në vijim me pasë takime prapë”.