VLEN: BDI e nxorri Mijallkovin më herët nga burgu

Maqedoni

Gazeta Express

15/01/2025 8:57

Koalicioni VLEN akuzon BDI-në për kapje të sistemit të drejtësisë, duke nënvizuar se ishte pikërisht raporti i drejtorit të burgut të Strugës, Valon Qyra, që ka shërbyer si bazë që Gjykata e Apelit të sjell vendim për lirimin e Mijallkovit, 7 muaj para përfundimit të dënimit. Sulejmani citon përmbajtjen e raportit, të cilin e cilëson skandaloz e që siç tha ai, flet me superlativa për sjelljen e Mijallkovit.

“Citoj; i njejti është paraqitur si person i kujdesshëm dhe i përgjegjshëm, me norma të pranueshme morale të sjelljes dhe tërësisht i është përmbajtur rregullave të shkruara ligjore. Në mjedisin ku ka qëndruar ka manifestuar sjellje shembullore, përtatshtmëri, marrëdhënie të mira me personat e tjerë të dënuar, raport korrekt me personat zyrtar. Kuadri i BDI-së Valon Qyra, me këtë raport praktikisht ka krijuar bazën e vendimit të gjykatës së apelit. Gjykata e Apelit duke u bazuar në raportin e drejtorit të burgut ka vendosur lirimin e Mijallkovit, 7 muaj para përfundimit të dënimit të tij dhe kjo është arsyeja se përse sot ai gjendet në Monako me Ferrari”, tha Driton Sulejmani, VLEN