Vlorë/ Policia Rrugore në aksion kundër shkelësve të rregullave, 7 të arrestuar dhe mbi 1800 gjoba

Shqiperi

Gazeta Express

03/04/2025 13:11

Me synimin për të rritur sigurinë rrugore dhe për të parandaluar aksidentet, Policia Rrugore e Drejtorisë Vendore të Policisë Vlorë ka intensifikuar kontrollet në akset kryesore të qarkut. Si rezultat i këtyre aksioneve, gjatë 24 orëve të fundit janë arrestuar në flagrancë 3 drejtues mjetesh të cilët qarkullonin në gjendje të dehur.

Të arrestuarit:

🔹 G. I., 39 vjeç, banues në Vlorë, u ndalua në rrugën “Sazani” duke drejtuar automjetin në gjendje të dehur.
🔹 E. Sh., 39 vjeç, banues në Kavajë, u kap në rrugën “Gjergj Araniti” duke drejtuar mjetin nën efektin e alkoolit.
🔹 D. F., 46 vjeç, banues në Sarandë, u ndalua në rrugën “Skënderbeu”, për të njëjtën shkelje.

Gjobat dhe shkeljet e evidentuara:

Gjatë 10 ditëve të fundit, janë vendosur gjithsej 1804 masa administrative për shkelje të ndryshme të Kodit Rrugor:
✔️ 124 gjoba për mosvendosjen e rripit të sigurimit
✔️ 48 gjoba për mosvendosjen e kaskës mbrojtëse
✔️ 53 gjoba për përdorimin e celularit gjatë drejtimit të mjetit
✔️ 12 gjoba për drejtim nën efektin e alkoolit
✔️ 316 gjoba për tejkalim të shpejtësisë
✔️ 208 gjoba për parakalime të gabuara
✔️ 345 gjoba për ndalim apo qëndrim të gabuar
✔️ 698 gjoba për shkelje të tjera të rregullave të qarkullimit