VV sërish propozon Albulena Haxhiu, Konjufca: Ju lus thirrni mendjes

Lajme

Gazeta Express

19/04/2025 15:04

Lëvizja Vetëvendosje ka propozuar Albulena Haxhiun për herën e dytë pasi dështoi t’i marrë votat e nevojshme herën e parë.

Ish-kryetari i Kuvendit, Glauk Konjufca, gjatë prezantimit të Haxhiut si kandidate për kryetare të Kuvendit, iu lut deputetëve të rinj që ta votojnë atë, duke u arsyetuar se kjo pozitë i takon Vetëvendosjes si parti

“Propozimi ynë është i njëjti, Albulena Haxhiu. Kjo është një e drejtë e partisë fituese që e kodifikon Kushtetuta e Kosovës. Ju kisha lut edhe juve si kolegë që ta mbështesni këtë propozim sepse kështu nuk bëhemi pjesë e bllokimit. T’i thirrim arsyes që ta votojmë dhe të shkojmë në fazat tjera të formimit të institucioneve”.

Herën e parë, me 57 vota për, 20 kundër dhe 3 abstenime, Albulena Haxhiu nuk arriti të zgjidhej kryetare e re e Kuvendit të Kosovës./Express/