Wayne Rooney me një teori interesante mbi të ardhmen e Trent Alexander-Arnold

Futboll

Gazeta Express

02/04/2025 20:59

Ish-sulmuesi i Manchester United dhe Everton, Wayne Rooney, ka dhënë mendimin e tij mbi mundësinë që Trent Alexander-Arnold mund të kalojë te Real Madrid – dhe ka një mendim interesant

Rooney, 39 vjeç, është golashënuesi më i mirë i të gjitha kohërave për Manchester United dhe ka kaluar nëpër akademinë e Everton, kështu që mund të mendohej se mendimi i tij mbi një lojtar të Liverpool-it do të ishte i ftohtë ose të paktën i përmbajtur.

Megjithatë, javën e kaluar, ai dha një qëndrim freskues mbi situatën e Alexander-Arnold pas raporteve të shumta që sugjeronin se ndërkombëtari anglez po finalizonte një kontratë pesëvjeçare me Real Madrid – që do të thotë se ai do të largohej nga klubi i tij i fëmijërisë falas, pas skadimit të kontratës në fund të qershorit.

Rooney ka kaluar në një situatë të ngjashme në gusht të vitit 2004, kur ai shpërtheu në skenë te Everton, para se Manchester United i Sir Alex Ferguson ta blinte, edhe pse Everton mori 25.6 milionë paund nga shitja.

Ish-sulmuesi i Anglisë shkroi një kolumnë për BBC Sport të publikuar të hënën, ku ndau mendimet e tij për situatën aktuale të Alexander-Arnold.

“Siç e kuptova vetë, thjesht sepse ka bisedime për një transferim nuk do të thotë që do të ndodhi,” shkroi Rooney. “Është e njohur që disa tifozë të United protestuan para shtëpisë time kur menduan se do të largohem në vitin 2010, por atëherë unë tashmë kisha rënë dakord për kontratën time të re.”

“Alexander-Arnold nuk ka nënshkruar ende me Real Madrid dhe nuk do të më befasonte nëse, edhe pas gjithë kësaj spekulimi, ai të përfundon duke qëndruar te Anfield pas të gjithave.”

“Mund të ndodhin shumë gjëra para se të nënshkruhet një kontratë – siç e di nga përvoja ime.”

Ish-sulmuesi i Anglisë gjithashtu zbuloi se një marrëveshje ndërmjet United dhe Madrid-i dukej “e mundshme” pasi ai u kishte thënë klubeve të Premier League se nuk donte të nënshkruante një marrëveshje të re para se të dërgonte kërkesën për transferim në vitin 2010.

Rooney më pas krahasoi ekipin aktual të Real Madrid – veçanërisht Vinicius Junior, Jude Bellingham dhe Kylian Mbappe – me ekipin ikonë të Pep Guardiola-s në Barcelonë, me Lionel Messin, Andres Iniesta-n, Xavi-n dhe Sergio Busquets në qendër.

“Unë nuk do ta fajësoja Alexander-Arnold për dëshirën për të bërë diçka paksa më ndryshe – si një sfidë të re në një vend të ri – Spanja do të ishte një lëvizje shumë e mirë për të,” shpjegoi Rooney. /GazetaExpres/