“ZdraVVo’ e ‘PDK fm stereo” – Doarsa ka folur në emër të LDK-së, ju duhet të merreni me LVV-në”, Mirena: Qe 4 vjet merremi me ta

Lajme

Gazeta Express

02/04/2025 22:37

Postimi i nënkryetares së LDK’së, Doarsa Kica-Xhelili ka ngjallur reagime pasi i ka sulmuar analistët e debateve politike në Kosovë.

Lidhur me këtë, gazetari Ilir Mirena i ka pyetur zyrtarët e LDK’së, Visar Azemi dhe Jehona Lushaku-Sadriu se a ishte qëndrim personal i Kica Xhelilit, apo qëndrim i LDK’së.

Të dy thonë se Kica-Xhelili është nënkryetare e LDK’së, e përfaqëson qëndrimin e partisë dhe se nuk distancohen nga deklaratat e saj.

Një pjesë nga debati i tyre:

Mirena: Kica Xhelili doli me një qëndrim që i sulmoi mediat i ndajti në grupe, a është qëndrim i saj personal apo i LDK’së cka shkrun ajo. Ajo është njeriu i dytë më i votuari në LDK. Kush është me PDK, Shik’un, VV’në?

Azemi: Ku ju ka pozicionu juve?

Mirena: A ju ka përfaqësu edhe juve apo distancoheni.

Azemi: Ajo është nënkryetare e partisë

Mirena: Pra ka fol në emër të partisë.

Azemi: Po në emër të partisë, edhe na që jemi këtu jemi tu fol në emër të partisë.

Azemi: Ju duhet të merreni me VV’na që i ka 48 deputetë, kur të kryhet me VV’në, nëse e formon qeverinë, atëherë nuk kalon as te PDK’ja.

Mirena: Qe 4 vjet, 24 orë merremi me VV’në edhe Albin Kurtin.

Azemi: Sje tu m lon me përfundu asnjë argument. Po ta shpjegojë shumë qartë.

Mirena: Kjo është gjuhë e VV’së (Flet për statusin e Doarsa Kica Xhelilit).