Zelensky me dhuratë të veçantë në SHBA – ia dhuron Donald Trumpit rripin e titullit kampion të fituar nga Usyku

Sport

Gazeta Express

28/02/2025 23:24

Presidenti i Ukrainës, Volodymyr Zelensky, i solli një dhuratë të veçantë Donald Trump gjatë vizitës së tij në Shtëpinë e Bardhë.

47-vjeçari mbërriti me rripin botëror të peshave të rënda të Oleksandr Usyk në Zyrën Ovale për takimin e së premtes, raporton The Sun, transmeton “Gazeta Express”.

Zelensky u takua me Trumpin, duke i shtrënguar dorën Presidentit para se të zhvillohej takimi.

Pasi hynë në dhomë, shoqëruesi i Zelenskyt u pa duke mbajtur rripin e padiskutueshëm të WBC-së, të cilin Usyk e fitoi kundër Tyson Fury vitin e kaluar.

Tifozët e boksit u habitën kur panë rripin të mbështetur mbi një tavolinë ndërsa dy liderët po bisedonin para mediave.

Një tifoz shkruajti në X: “Shpresoj që kjo të jetë një kopje”. Një tjetër komentoi: “Pse, vallë?” Ndërsa një i tretë shtoi: “Nuk mund të mendoj për askënd që e meriton më pak”.

Pas diskutimeve të tensionuara, Trump e largoi Zelenskyn nga Shtëpia e Bardhë dhe e quajti atë “mosrespektues”. Negociatat dështuan pas një debati dramatik trepalësh mes Zelenskyt, Trump dhe Zëvendës Presidentit, JD Vance.

Usyk ka një rekord të pamposhtur prej 23-0, me 14 nga ato fitore të realizuara me nokaut. Ai iu bashkua ushtarëve në vijën e frontit në fillim të pushtimit të Ukrainës nga Rusia, tre vjet më parë./GazetaExpress/