Gjykata e Tiranës ka ngritur një komision të posaçëm për të administruar ankesat dhe problematikat e votuesve të diasporës lidhur me procesin zgjedhor të 11 Majit. Kjo strukturë, e krijuar më 21 mars, përbëhet nga kancelari i gjykatës, Donald Xhelili, dhe dy kryesekretaret.
Qytetarët shqiptarë që jetojnë jashtë vendit dhe kanë aplikuar për të votuar, por nuk janë regjistruar ose kanë hasur probleme të tjera, mund të dërgojnë ankesat e tyre në adresën zyrtare të emailit: diaspora@gjykata.gov.al.
Burime pranë Gjykatës së Tiranës bëjnë të ditur se deri më tani kanë mbërritur disa ankesa, por vetëm njëra është regjistruar, ndërsa të tjerat kanë qenë kryesisht pyetje. Për të lehtësuar procesin, grupi i punës po përgatit një formular tip, i cili do të ndihmojë qytetarët të paraqesin ankesat e tyre në mënyrë korrekte.
Edicioni
t7 live
