“Zhvillimi i Sakas, është i ‘çmendur’”

Gazeta Express

09/10/2020 20:27

Trajneri i Gunners, Mikel Arteta ka pasur lavdata të mëdha për tinejxherin pasi që ai bëri paraqitjen e tij të parë me Kombëtaren e Anglisë në fitoren e tyre 3-0

Bukayo Saka “është zhvilluar” si një top lojtarë këto muajt e fundit, sipas Mikel Artetas, në një shkallë të “çmendur”.

Saka ka pasur një super seson këtë vit në Emirates Stadium, duke bërë 29 paraqitje në të gjitha garat me Gunners si dhe duke i ndihmuar Arsenalin që ta fitojë për herë të 14 kupën FA.

19 vjeçari ka kontribuuar me katër gola dhe 11 asiste për Arsenalin, derisa ka luajtur në disa pozita të ndryshme për Arsenalin këtë sezon.

Saka ka nënshkruar kontratë të re katër vjeçare si shpërblim me paraqitjen e tij në korrik dhe ka pasur edhe një fillim të ri këtë sezon.

“Absolutisht ka qenë një zhvillim i madh i tij si rezultat i punës së mirë që është bërë më të në Hale End, me të gjithë trajnerët, me edukimin që ai e ka marrë aty dhe karakterin e një lojtari klas që ai është sot”, ka thënë trajneri spanjoll i Arsenalit për rritjen e shpejt të Saka.

“Mënyra se si është pjekur ai, mënyra si luan me ata që e rrethojnë është i madh. Fizikisht ka përparuar. Ai duket më i vjetër, ai është në gjendje që ta lexoj lojën, situatën ku ndohet, ai zgjedh problemet, si dhe mendon para se ta merr vendimin”.

“Komunikimi i tij është përmirësuar më shokët e skuadrës si dhe ai gjithmonë është më i afërt me skuadrë, është i integruar dhe e ndjen rëndësinë në ekip”. /GazetaExpress/