ZKM njofton edhe për takimin e Kurtit me Adem Hoxhën, s’tregon nëse ka marrë mbështetje

Lajme

Gazeta Express

03/04/2025 17:02

Kryeministri në detyrë, Albin Kurti, ka takuar edhe deputetin e zgjedhur nga komuniteti goran, Adem Hoxha, në kuadër të “takimeve konsultative” me përfaqësues politikë të komuniteteve joshumicë për konstituimin e Kuvendit dhe formimin e Qeverisë.

Zyra e Kryeministrit nuk tregoi nëse Kurti ka marrë mbështetje nga Hoxha për formimin e Qeverisë.

“Në takim u theksua rëndësia e seancës konstituive të Kuvendit të datës 15 prill në procesin e formimit të institucioneve të legjislaturës së 9-të dhe roli e angazhimi i partive politike në parlament për të përfaqësuar dhe përmbushur vullnetin e qytetarëve të shprehur me 9 shkurt”.

Kurti sot gjatë ditës ka takuar disa deputetë të zgjedhur nga komuniteti joshumicë, por jo nga të gjithë ka marrë konfirmimet se do t’ia japin votën për krijimin e qeverisë. Megjithatë, takimet u paralajmërua se do të vazhdojnë./Express/